ايه..بس انت اروع "بسمة قلب تملؤه الاحزان"

مدري علامي صرت
ضايق ومليت...!!
قعدت أفكر في زمانن
مضالي...!!
سالت دموعي فوق خدي
وصديت...!
صدت حزينن غربلته
الليالي...!!
لاشك أنا منساك مهما
تناسيت...!
ورقمك بدقه كل ماضاق
بالي؟

سولفوا تكفون لاعاد تسكتون
قبل لا اهوجس وياتيني بلاي

****
السكات يزيد طعوني طعون
وتنكسر لاجا على راسي عصاي

****
سولفوا لو مابغيتوا اتسولفون
قبل لا اقعد في الحزن رايح وجاي

****
واضحكوا لو بالعماله تضحكون
وجاملوني لو يضايقكم حكاي

****
لي وليف ٍراح جعله مايهون
هو دواي وداي أو داي ودواي

****
راح لكن طيف زوله في العيون
مرةٍ قدامي ومرة ٍ وراي

****
وان سكتوا جا وهو طيفه يمون
رحت أهوجس له وأبين له ولاي

****
مكسب عيوني من الفرقا مزوون
تمطر لطاريه والبرق اصدقاي

****
كل ماطروه لو هم يمزحون
احرموني من غداي ومن عشاي

****
ادري انه ماتناسى الود كون
تسمع اذنه في قفاي السن عداي

****
وكانهم قالوا نسيته يكذبون
والا انا فيه أمتلك نظرة وراي

****
كان حبه لي على خبري مصون
والله ان كني بقدري وبغلاي

****
ذي بقايا الحب وأطلال الجنون
والله أعلم في ضميره وش بقاي

****
غير طيعوني ولاعاد تسكتون
والا والله ان اسمعكم بكاي

ودي اجيك من التعب ثم أضمــك
وتشوف أنا وشلون عايش بلياك


قربك عطر ودي من البعد أشمـك
أخاف يبرد مابقى لـي بذكـراك


أبنثرك في عـــروق قلبـي ولمـك
وأحسسك بالحب في يوم لقيـاك


باقي معي أغلى هديـه تهمــــك
صورتك كاتب فوقها مقدر أنساك


متى يزين الوقت وأكـــــون يمـك
اقلهـا اعرف ظــروفـك ودنيـاك


ياليتني في أنفاس روحك ودمك
أبقى معك وأعيش الأيام وياك


ياكثر ماني بغربتي شلت همــك
انشد نـوم الليل من عقب فرقاك


عليك أخاف أكثر من أبوك وأمك
والله ماتلقى مثل قلبـي أغــلاك


مارتاح أنا من الوله لين أضمك
وأعلمك وشلـون حالـــي بليـاك