طز فيك وبشخصك ترى جيت شاريك
و منت غالي ماتعنيت لرضاك

عيبك تدس السم بطلعة حكاويك
وعيبك تكابر وافهمك واللي سواك

عمر الكرم ماكان عشني واعشيك
وإلا تعال إقلط هنا كان مركاك

هذي سواة الصعلكه والصعاليك
وإلا الكريم اللي على النفس بداك

كانك تبي شخص(ن)بقدرك ويغليك
اجبر كسوره يوم جاك وتنخاك

وكانك تبي الانذال طز فيك,,طزفيك
مقدر اخاوي خوة انذال شرواك

باكر تجرجر بك مصايب بلاويك
ورجل الندم يالمنتهي راح تاطاك

وكانك تكابر واتباهى بتعليك
لاتنسى رب الكون فوقك ويعلاك

إن كنت تدخل قلب ربعك"بتكليك"
الله يصبرهم على كبر بلواك

"ابك" الكلك ماوط وط إرجال تعنيك
وإلا الردايا تعتني بك وترعاك

أول ابيك وقلتها اليوم مابيك
دام الردى تنصاه وهو حيل ينصاك

عزيز نفس ولاتهزني اراضيك
وإلا انت نذل وشرشف الذل غطاك