شعــــــــــــــر راب

بصراحة أنا ملليت من حياة العزوبيه
العشا خبز وبيض ، وفطورنا بالطعميه
وفي الصبح نروح نداوم ، وثيابنا مو مكويّه
لحقونا يا ناس ، ترى والله الحالة شقيّه
في مره خذت الراتب ، ورحت طاير للبوفيه
وطلبت لي عصير شمام ، وفلافل بالطحينيه
اكلت بسرعه وغسلت ، ودفعت حساب الجيّه
وبعدها رجعت البيت ، وجات في بطني ليّه
الظاهر جاني سهال ، من أكل ابن الهنديه
خلوها يا ناس على الله ، والله حالتنا شقيّه
في يوم الشله بتطلع ، بس فلوسي ما تعبره
قلت الظاهر بنفلس ، والباقي راح نخسره
رحنا القهوة وجلسنا ، وهذا الهندي ننتظره،
جانا الهندي وشرفنا ، وطلبت لي راس بوعطره
عمّرنا ، واللي يعسل ، والكل سرحان بأمره
جاني الهندي بيحاسب ، قلت له ضف يا بوسمره
قال لي حسابك عشرين ، قلت له عندي بس عشره،
والشعب كلهم طفرانين ، والحالة حسرة بحسره
سوينا خطه ذكيه ، وانحشنا من هالحكره
والله حالتنا شقيّه ، والله حالتنا خطره،
دقينا سلف ومشينا ، وشغلنا شريط حق نانا
ورقصنا حق ماكارينا ، وزعلنا كل فرحانه
عداد السرعه زاد ، والموتر راح شكمانه ،
سحبنا هند ومشينا ، بس الدوريه ورانا ،
صادونا في التفتيش ، والعسكري عصب وجانا
مسكونا في الدوريه ، وللشماليه ودونا ،
ونمنا ليلتنا هناك ، وكانت ليله جربانه ،
والله حالتنا شقيّه ، والله الحالة تعبانه!

ههههههههههههههه يسلموووووو

هههههههههههههههههههههه صارت قصه و كلها عن اكل حمدالله والشكر بس شكرا على الموضوع ههههههههههههههه :D :D :D