مصرية بس شقية
عضوة جديدة
 مشإرڪآتىَ : 4
التقآآيممً : 0
سڪنتــ المنتدـﮧ : 08/06/2011
لآ يوجد وسآم حآليا :)
 |  موضوع: لسا الارض بتحكى عربى الخميس يونيو 09, 2011 7:13 am | |
| لسه الارض بتحكي عربي
ولسه بتولد مصريين
ولسه مصر بتحكي عربي
والسيد قالها بتلحين
ولدت سعد ومصطفى قبله
واديب ملهم طه حسين
لسه بتولد والاسم بهية
وناصر اقسم فيها يمين
وعلماء تنجب وبنت دولة
وشعرا كمان مع فنانين
ام الدنيا ليه سموها
مش بس ام المصريين
علشان فيها النبض بيوصل
صوت وصورة ف الميادين
لانه تاريخها دل العالم
ازاي بدؤها الفراعين
احنا الشعب اللي بيحارب
ومعتصمين وبحبل متين
بسم الله والله اكبر
صرخوا وقالوها الملايين
ارحل يمبارك تلقانه
حننسى عميالك من سنين
بس اوعه تفكر انه نسيبك
د ه انت حسابك مع مساكين
نسيتهم لما مسكت السلطة
وع رقابيهم حزيت سكين
والمظلوم لو تعرف امته
بيقول احنا المظلومين
لما تاخد قوت عيالهم
وتفتكر هدوئم ساكتين
ولما اتكتر فيهم ضرب
بيصحوا وفاكرهم نايمين
اصله البركان بيتفجر
لما الضغط يزيدوا انين
ولما البركان بيتفجر
ما بينفع فيه التليين
ولما البركان بيتفجر
بتزيح ناره للشياطين
يبتدوا يستنوا للفرصة
ويثوروا باسم المحرومين
معلش ياريس حاول انسانا
بس عمايلك مش ناسيين
لو تنسه القتل ازاي فينا
الشعب بيعرف مين قاتلين
اللي بيضرب عمره ما عد
اسأل فيها المضروبين
بتعرف انك خنت الامة
وسجنت ف غزة جوعانين
لما زرعت اسياج في الارض
وقلت بنحمي المصريين
ومسكت السلم بالعرض
وزدت الفرقة في فلسطين
ولما ولما ولما ولما ولما
من العد حنبقى مجانين
ارحل انت وسيب الشعب
هو بيعرف عايز مين
اصله الارض بتفضل تولد
طول مالنيل يرويها حنين |
|
