اول شي...
المقادير
بسكوت اولكر طبعا كلكم تعرفوه الي من برا ورقته لونها حمرا عباره عن طبقتين بسكوت وفي النص شوكولاته
زبده
قشطه
سكر
حليب مجفف
كيري
وبسسسس
الطر يقه: << هذه مقدار صينيه صغيرة>> وطبعا على حسب مقاس الصينيه تتضاعف الكميه.
اول شي تكسري البسكوت بالنص << طبعا هوا عباره عن دائره
وترصيها في الصينيه بشكل عشوائي
بعدين تسيحي تلات ارباع اصباع زبده << 100 غرام
طبعا على حسب كميه البسكوت وتصبيه على نفس البسكوت
بعدين في الخلاط تحطي علبه قشطه + 3 ملاعق اكل سكر + 3 ملاعق اكل حليب بودرة + 7 حبات جبنه كيري
ونخلطيهم مزبوط في الخلاط وتصبيه فوق البسكوت
وبس تدخليه الفرن وتفتحي النار من فوق بس اهم شي تنتبهي مو تسيبيه وتروحي بعدين يتحرق
تقعدي جمبه وتخليه شويا الين ما يسير الطبقه من فوق على لون البيج يعني يادوب دقايق
وبس تخرجيه وتسيبيه شويا يبرد وتحطيه في التلاجه
اتمنى انه يعجبكم الحلى وتجربوه
وانتظر ردكم وتعليقاتكم..
تحياتي ...