سلام علينا يا هواجر سلام نستحقه وعنلانه

السلام عليكم ورحمة الله وبركاته..........

هذي قصيده للشاعر عبد الله بن علوش الهاجري يمدح الهواجر....

((سلام الله علينا يالهواجر))

بـديـت بخالـقـي جــل جـلالـه
وصـل الله عـلـى محـمـد والــه
لعـل الله يغـفـر لــي ذنـوبـي
اسـال الله وغيـره مـا اسـالـه
اسال اللي فتح بيبـان عفـوه
عقب ماتاب عبده والتجـا لـه
وعـن شيـن الكـلام اعـز نفسـي
واقود الفكر لبيـوت الجزالـه
اسـوي لــي بـيـوت منتقيـهـا
اسويهـا علـى هيئـة رسـالـه
انصيهـا بـنـي هـاجـر جميـعـا
بني هاجر بـلا استثنـاء حالـه
ولا ابـي شـي منهـم غـيـر ودي
اعـد الطيـب واجـدد وصـالـه
كريـمـن فــي معانيـهـا وكـنـي
بخيلـن مايـفـرط فــي ريـالـه
اليا منـي كتبـت البيـت الاول
يجيني البيـت الاخـر فـي سهالـه
واليا مني كتبتـه جـا تبيعـه
وقامـت تنطـوي طــي المحـالـه
واليا مني كتبت البيت اصونـه
ولا نـاقـد يـجـي مــن خـلالـه
وقــدام الجماهـيـر الغـفـيـره
على كل البيوت اعطـي كفالـه
عليها ختـم ابـن علـوش يعنـي
علامـة جـوده وفحـص الوكالـه
ثمنهـا قولتـن وش قلـت فيـهـا
فلحدن قال قلهـا قلتهـا لـه
سببهـا ماقريتـه فـي الجريـده
يقول ان الفخر سخـف وخبالـه
ضعيفن مادرى ان المـدح كايـد
ولا حاشه ياكون اللي سعى لـه
ابمـدح ربعـي طـوال اليمانـي
واعـده كـل مـا وافـق مجالـه
يابـوك الهاجـري لامـن مدحتـه
يجي فيـه انتفاضـه واحتفالـه
الـى منـك زهمتـه وانـت صـادق
نطـل بشتـه ولا خــلا عقـالـه
خلقنا الله لاهـل الطيـب قـدوه
وكـل سنافـيـن حـنـا مثـالـه
حدانـا لـو تـغـدى ماتعـشـى
ومستانـس ومتنـومـس ودالــه
يوضـع كسـرة العـود الكبيـره
على المدخل اليا زان اشتعاله
يطيبهـم عقـب جنـب السمينـه
والى من راح ضيفن جـا بدالـه
يرص الدين فـوق الديـن الاول
اليـن يسـد دينـه مـن حـلالـه
مخاسـيـره خوافيـهـا عـلـى الله
رصيده فـي المراجـل راس مالـه
ســلام الله عليـنـا يالهـواجـر
سلامـن نستحقـه ونعـنـا لــه
وحنا اللي نكـرم مـن نصانـا
يمينه في الشحم عقـب الفوالـه
وحنـا اللـي صداقتنـا نقيـه
بميـل الـوقـت ولا باعتـدالـه
وحنـا اللـي روابعنـا قويـه
ضعيـف الرابعـه نرفـع خمالـه
وحنا اللـي هقاوينـا بعيـده
وحنا اللي تبيـن مـن الجمالـه
وحنا اللي نبيـن فـي الشدايـد
اليا من الزمن شانـة ليالـه
وحنـا اللـي حميانـا سريـعـه
ومن حنـا سنـاده طـاب فالـه
وحنا اللـي نقـدر كـل حاكـم
لاعهدنـاه نوفـي عهـدنـا لــه
جمـال حمـول فـي كـل الـلـوازم
حدانا لو بـرك للحمـل شالـه
مسميـنـا موحـدنـا الجـزيـره
مليـك مايشـكـك فــي مقـالـه
الاسم مخزنة الظفر والاسم منـه
وحنـا كفـوا لاسمـه واحتمالـه
صدق عبـد العزيـز الله يبيحـه
عسى الغفـران والجنـه ما~لـه
ولا علمـن يجـي مـن تحـت حيـده
لنـا فعـل وتواريـخ ودلالــه
لنـا فـي صولـة الايـام جولـه
زمـان فـات جعلـه فـي قبالـه
ولـو حنـا شـويـن ماعليـنـا
زهمنـا الجـد الاول مـن جبالـه
يجـي قحطـان فــي لازم عبـيـده
ترقـى لـه عبيـده وتحمـى لـه
اليا من ثار دخـان الشنيعـه
معادينـا رقـاده ماهنـا لـه
عطانـا الله مـن مـده وجــوده
رقابـن ماحنيناهـا سـوى لـه
وكلن فيـه مـن الاجـواد حقـه
جنوبـي نجـد وبنـجـد وشمـالـه
وقد حنـا بعصـرن فيـه نعمـه
عسى الشيطان يبطي فـي حبالـه
ركون العز في السـت العواصـم
سلالـه تنحـدر منـهـا سـلالـه
ولايـجـي اطــول فـــي مـجـالـن
تكفينـا قصـاره عـن طـوالـه
نهايتـهـا ومـضـمـون ثمـرتـهـا
يـذم المـدح رجلـن ماينـالـه
انا اقول الكرم ماهـو يكمـل
لاراح العـود ياتونـك عيالـه
ســلام الله عليـنـا يالهـواجـر
سلامـن نستحـقـه ونعـنـى لــه

مافهمت

دخلت غير بالهاجر والهواجر زش ماعناتها

كل شبر بهالوسعيـه ملـك ربـي تعلميـن

وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون

كلَآم لَه معَـَـَـَـَنَى . . .

تسلًـًـًـًـًم . . . \

تقققققبل طلَتي

ونعم والله في الهواجر

يسلمو على الشعر

رجـ.ـة*بـ.¸¸.ـس*رزة كتب:: ونعم والله في الهواجر

يسلمو على الشعر

والله ونعم فيج والله

يسلموووووووووو
كل شيء في هذي الدنيا جميل
ولو ما اعجبك ابتسم وخل الدنيا تنقهر
شكرا سآآمي
سؤال؟؟
انت من أي بلد؟؟؟؟!!!

اانا من در العز ولفخر كويت

شكرا لك حلوين اوى

مافي شعر عن البلش

وحنا خوالك

» مبروك علينا يا جزائر الفوز وشنانا في الحسادين
» سلام فوف انا قمر
» صح ولاخطاأا
» سلام
» سلام

سلام علينا يا هواجر سلام نستحقه وعنلانه

سلام علينا يا هواجر سلام نستحقه وعنلانه

مواضيع مماثلة

مواضيع مماثلة