إغتصبني وآحد لحقؤآْ مدري ؤش أسؤي..

اغتصبني واحد لحقوا علي ماعرف شسوي
لحقوني ياناس
و الله مالي عقب الله غيركم أشكيله ابا حد يساعدني .. يقولي أي شي
واحد حيوان اغتصبني .. آآآه بس آآه ,, قولولي شسوي ..
هو ربيع ابوي .. أبوه راغه من بيته لأسباب عائلية ..
و يا لبوي عشان يساعده و يسكن عندنا .. طبعا ابوي ماكان موافق .. حاول فيه وايد بس ف النهايه هدده بأوراق .. و الله ماقدر اجوف الكيبورد من الدموع ..
ماعرف شهالوراق .. و لا اعرف ليش نخوة ابوي راحت .. صار ما يهتم فينا .. و لا يغار علينا .. انا عندي خوات .. وحده اكبر عني اغتصبها هالحيوان من كم سنه بس انكر .. ابوي ثار ف البدايه و عقب سكت .. أمي توفت عنّا و نحن ف هالظروف .. صرت بلا ام و ابوي صار ميت بالنسبالي .. و هالحقير الحيوان النذل ما سدّه ياكل و يشرب من عندنا .. عايش ع حسابنا .. كل يوم مسولنا مشكلة و كل يوم مخافر و شرطه .. و للأسف هو فوق القانون .. مادري ليش ف بلادنا شي شرطة .. وين العدل ! وين الانصاف ! .. ليش نحن ؟؟ اشمعنا انا و اختي صرنا ضحايا هالعلاقة الي بين ابوي و ربيعه ! .. كل يوم نتعذب و كل يوم نموت .. كل شي شي ينتهك فينا من يانا هالحيوان .. جلب حياتنا .. الله بلانا فيه و مب رايمين نقاومه .. قاومته قد ما قدرت بس ما رمت .. تعبت .. و الله تعبت .. ابا حد يحس .. لين متى بتم جيه ؟؟ لين متى بتم اقاومه دوم .. منو من بنات هالزمن تتحمل حد يغتصبها يوميا .. منو فيكم جيه ؟ قولولي منو فيكم جيه ؟ منو تتحمل ؟ منو تتحمل اتجوف اختها جيه يصير فيها و لا تقدر تسوي شي .. هالمنظر الحيواني صار دوم جدام اعيوني .. صار ما يفارقني ليل و نهار ..
يا عالم يا ناس .. و الله محد حاس فيني .. ليش وحده مثلي يصير فيها جيه و محد يحرك ساكن ؟
اعرف انتو ما تعرفوني و لالكم علاقة بس .. بس أي انسان فيه قلب لازم بيتعاطف وياي .. وين دينا ؟ ليش انا ييت مسلمة ؟ عشان جيه يصير فيني ؟ ليش انتو الشباب ما عادت فيكم غيره ؟ الكفار يقولون لو تبا تقتل مسلم اغتصب امه او اخته او حرمته تعرفون ليش ؟ لأنكم انتو يا مسلمين انشهرتوا ف العالم بغيرتكم و عزتكم .. ليش انا اااااااه يا ربي متى بيي اليوم الي بموت فيه .. متى الله بيرحمني و يفكني من هالعذاب .. متى العالم بيوقفون وياي ؟؟
لا .. و الأدهى و الأمر من هذا كله .. أهلي نصهم يعرفون لكن الله لا يراويكم .. محد سوا شي .. علاقتهم ف بعظ مب لين هناك كل واحد يحاتي مصالحه .. انا مقدرة هالشي لأن الدنيا مصالح .. بس مب لدرجة أن وحده منهم و فيهم يغتصبونها و هم ما يسوون شي !! كلهم ابرد ما عندهم و لا جني منهم و فيهم .. لو أقوللكم انا بنت منو محد بيصدقني .. انا العزة و الرفعة كلها .. انا الكبرياء كله .. فجأة جيه و بدون مقدمات القى عمري ف هالحال و محد بيساعدني .. انا كتبت هالموضوع استنجد بكم .. بعطيكم رقمي بعطيكم أي معلومه تبونها بعطيكم أي شي بس ساعدوني دخيل والديكم .. أبا حد يوكلي محامي ماعرف اسوي شي بروحي .. كيف اوكل محامي و وين القاه .. الشرطه ما فادت قد ما أقدر حاولت اتوصل لحل بس انا صغيرة عمري 16 محد يصدق كلامي .. دخيييييييييييل والدينكم ساعدوني .. منو فيكم يروم يطلع من هالموضوع و هو قادر يساعدني و ما بيسوي هالشي ؟؟ و الله بتتسائلون يوم القيامة .. انا مسلمة منكم و فيكم ما يصير جيه اتم .. و الله ما يصير و الله ما يصير .. ابا اروح بلاد الكفر يمكن القى حد يساعدني لأن عندهم حقوق الانسان .. بس احنا هني و لا جنه عندنا دين الاسلام .. آآآآآآآآآآآآآآآه آآآآآآه انا تعبانه و الله .. همي ما تشيله جبال ..
بتساعدوني ؟ ماريد ابلشكم فيني و الله و لا اعبل عليكم بس حرام الي يصير فيني حرام ..
بكل اختصار ..
أنا : فلسطين ..
اختي الي اغتصبوها و راحت من ايدي : العراق ..
الحيوان الي اغتصبني : اسرائيل ..
أسبابه العائلية الي انراغ بسبتها : عقاب الله لبني اسرائيل بأن شردهم في الأرض
أبوي الي راحت غيرته و نخوته : الحكام العرب ..
امي الي توفت عنّا : رجال فلسطين الي نصروها و راحو لمثواهم ..
أهلي و عائلتي المتفككة : الوطن العربي المتفكك ..
الشرطة : الأمن الدولي ..
المحامي الي خاطري ف يوم أوصلّه : القمة العربية ..
رقمي : أي طريقة تنصروني فيها انا راظية بها ..
يا ناس .. يا عالم .. يا شباب و بنات ..
يمكن تنقهرون و تقولون هاي فاظية روعتنا الا جيه ..
لكن هذا الوقع .. الحين معقوله أنا أهم من فلسطين .؟ ..
و اغتصابي يعنيلكم أكثر من اغتصاب فلسطين من ايدنا يا عرب ؟؟
ياناس اصحوا .. امريكا تخطط لمشروع أكبر من اغتصاب فلسطين بوايد !! ..
اميركا تخطط لاسرائيل العظمى .. هالمشروع يتضمن العراق << الي راحت حاليا .. و يتضمن فلسطين و الي قاعدة اتروح من ايدنا و نصها راحت طبعا .. و سوريا و اخر خطوة بتكون السعودية و بتوصل لين المدينة المنورة .. يمكن تستغربون من السبب الي بيخلي المدينة المنورة هدفها .. لكن عشان ترتاحون بقوللكم السبب و هو لأن المدينة الي هي يثرب سابقا كانت أرض اليهود ..
شوفوا كيف قاعدين يخططون و يطبقون مب نحن الي كلامنا ترس الدنيا و ما سوينا شي .. يبون ياخذون كل شي كان لليهود .. بس الحين ما عادت أرضهم !! ما عاد كل شي لهم !! هاذي ارضنا .. و مدينة رسولنا و حبيبنا الي سبوه .. هاي فيها قبر الرسول .. ياناس اصحوا .. بياخذون قبر رسولنا منّا و احنا قاعدين انطالع .. و ع فكرة حكام العرب عارفين هالمشروع و راظين ما عندهم مشكلة توصل اسرائيل لين المدينة و تاخذها أهم شي كراسيهم !! كل واحد خايف ع كرسيه .. مادري شو حصلوا من روى هالكراسي غير الهم و النكد ..
لكن و الله العظيم ربي ما بيخليهم .. حسبي الله ع كل واحد شايف الحال الي فلسطين فيه و ما تحرك .. حسبي الله ع كل واحد راقد متهني .. حسبي الله ع كل واحد نسى أهل غزة دقيقة وحده .. حسبي الله ع كل واحد ما همه امر المسلمين ..
حبيبنا المصطفى عليه السلام يقول : من لم يهتم لأمر المسلمين فليس منهم ..
اتعرفون شو يعني ليس منهم ... ليس منهم .. ليس منهم .. ليس منهم ..
مب منا .. مب منا .. مب منا .. و الله مب منا و ما افتخر ف يوم فيه و لا افتخر اني اعرفه سواء عربي و الا مسلم .. و الله مب منا و الله مب منا والله مب مناااااا ..
عنبو غيركم حاكم فنزويلا رايغ السفارة الاسرائيلية و يقول انا استحي اخلي هالناس عندي و هم جيه يسون بالمسلمين و متفشل من الحكماء العرب .. آآه بس آآه يالله يا ربي لا تواخذنا بما فعله السفهاء منّا .. يالله يا ربي لا تحاسبنا بما فعله السفهاء منا .. يالله يا ربي تبلي هالعالم الي تتفرج و هيه ساكتة شرات ما بليت أهل عزة ..
انا ماريد اعيش هني و الله .. خلاص ماريد اتم ابا اروح غزة .. هناك العيشة اكرملي و الله .. جيه و الا جيه بنموت .. اريد اموت و الحجر بيدي و راسي مرفوع و لا هالموته الي هني .. موتة الذل و الهوان .. نعم للمقاومة نعم للمقاومة نعم للمقاومة .. و انتو أفا عليكم سيروا بس رقدوا و حطو ف بطونكم بطيخة صيفي لين اييكم اوباما و جورج بوش يحكيلكم قصة قبل النوم شرات ما سوى ف فلسطين و يبوسكم ع خدكم بوسة الهنا الي تتريونا .. امرره خذووا هالرمسة مني و أنا أظمنلكم أحسن عيشة و جنة الفردوس ف الاخرة .. ترى جيه بتفتحون بيوت و جيه بتربون عيالكم .. و جيه بتنصرون الأمة ترى انتو وايد تحبون الله و رسوله ..
و أهديكم أبيات لمعروف الرصافي شرات ما أهداها قومه ..
يا قوم لا تتكلموا * إن الكلام محرم
ناموا و لا تستيقظوا * ما فاز إلا النوم
و تأخروا عن كل ما * يقضي بأن تتقدموا
و دعوا التفهّم جانبا * فالخير أن لا تفهموا
و تثبّتوا في جهلكم * فالشّر أن تتعلّموا
و إذا ظلمتم فاضحكوا * طربا و لا تتظلّموا
و إذا اهنتم فاشكروا * و اذا لطمتم فابسموا
إن قيل هذا شهدكم * مر فقولوا علقمُ
أو قيل إن نهاركم * ليل فقولوا مظلمُ
هذا الواقع .. انا ما علي حد يزعل والا حد يرظى دقوا راسكم بأقرب طوفه ..
العرب من يوم ما طاحوا من بطون امهاتهم امريكا بس تراويكم الطوفة و هم يدقون روسهم << ترى ماشي شغل .. ما تشوفون البطاله منتشرة ؟؟
ترى كل واحد يلقّف ولده الرشاش و يقوله يول يا ولدي بشركك ف الميدان السنه الياية .. امرررره لا تقصرون ترى ماشي بيربي عيالكم و بيدخل الجنه غير اليواله و الرقيص ..
ها بدال ما يحطله و لو مرة وحده ع قناة الجزيرة و يقوله ان اليهود يبون ارظنا و نحن لازم نكرس كل طاقتنا عشان نطردهم .. ها هدفكم ف الحياة .. و الله ثم و الله امريكا نجحت و استعمرتنا .. استعمرتناااااااا استعمرتناااا فرحوا .. بس نوع ثاني من الاستعمار و هو الاستعمار الفكري ..
الله يسلم الأبراج الي بقت ف مخوخ عيال العرب بس ..
أبشركم .. اسرائيل زائلة .. و الله راح تزول .. الحضارة ما تروح الا لما تروح الأخلاق .. و الله بداية الحرب على غزة هي بداية انتهاء اسرائيل .. هدفهم يمسحون المقاومة و ما دروا انهم بهالحرب صنعوا مقاومة ف كل بيت .. عسى أن تكرهوا شيئا و هو خير لكم .. رب العباد يروم ينصرهم ف لحظة .. لكن لابد من التمايز .. لابد يكون هناك فارق و حدث يفصل بينا و بين امريكا بلاد الكفر شرااات هالحدث العظيم الي خلى كل بلدان العالم توقف معانا .. المقاومة مستمرة .. و انا مستمرة .. و كلنا مستمرين .. سحقا لإسرائيل الزائلة .. نعم للمقاومة (الاسلامية) و ليست فقط الفلسطينية لأن هذه الحرب عقائدية و ليست حرب على المقاومة فقط .. ادعو من هذا المنبر أن يجاهد بالمال بالمال بالمال ..و أدعوكم بمتابعة قناة الرسالة كل ثلاثاء سهرة يقيمها الدكتور طارق السويدان تحت عنوان (غزة من الصبر الى النصر) .. هالانسان من العشرة المغيريين ف العالم .. بتوقيت دولة الامارات راح يكون الساعة 10 و ربع تقريبا حتى الساعة 1 و الربع .. بصراحة الي يبا همته دايما مرتفعة يتابعه ..بتكون حلقاته حتى نهاية هذه الأزمة بإذن الله .. و ترى الإعادة تكون يوم الأربعاء و غيره من أيام ..
بصراحة كانسانة لا جدامها و لا وراها ماعرفت شسوي غير هالموضوع .. و ان شالله بواصل مسيرة نصرة غزة أو بالاحرى (فلسطين) .. و الي بيشارك و مستعد لأي مشروع بقوم فيه أو حاب أشاركه بمشروع ف باله حيّاه ان شالله ما بقصر و بكرس كل فكري له .. بس دخيلكم خلونا نسوي شي .. لو أبسط شي .. دام النت عندنا خلونا نستغل هالشي ..
و أطلب من الجميع سواء اولاد او بنات يسوي كوبي لهالموضوع و ينشره ف الهوت ميل و المنتديات عساه يكون حافز لأي انسان يقراه و لكم الأجر ..
ما بحلف عليكم و و بقول بتسمعون خبر زين عقب يومين و الي ما ينشر بيسمع خبر شين .. هاي اعتبروها واجب لأن أي متخاذل منّا معناه مشارك ف الحصار و مشارك اسرائيل و امريكا .. مهما كانت اهتماماتك خلاص ياخي انسى .. نحن هني همنا واحد لازم نوحد الفكر و نمشي لتحقيق الهدف ..
تقبلو خالص تحياتي لكم و عسى الله يفرجها عليهم مساكين ..
مساكين ؟؟ منو قال ؟! الا حظهم !! شهداء و مثواهم الفردوس ..
تحت شعار (غزة .. من الصبر إلى النصر )

منقوول

حسبي الله ونعمم الوكيل
ابصراحه القصه روعه اندمجت معاها بعدين عرفت ان النغمتصبه فلسطين ...آلخ
بس جد الموضوع رووووووعه الله يعطيك الف عافيه على الطرح والنقل والافاده

هيييَهْ وربَييَ قصصهةَةة موؤَثَرةةة
وععآلعممموم رورو فدييتشش مشتأإققههةة
لشش ...
وشسسموهه تقبليي طلتتييَ <3

ھٍډۅء آڵمٍطر كتب:: حسبي الله ونعمم الوكيل
ابصراحه القصه روعه اندمجت معاها بعدين عرفت ان النغمتصبه فلسطين ...آلخ
بس جد الموضوع رووووووعه الله يعطيك الف عافيه على الطرح والنقل والافاده

إي واللهـ حسبنآ اللهـ
هه أدري حتى ــآ انا...
أنتي الأرؤعـ فديــتس..

BoOoya كتب:: هيييَهْ وربَييَ قصصهةَةة موؤَثَرةةة
وععآلعممموم رورو فدييتشش مشتأإققههةة
لشش ...
وشسسموهه تقبليي طلتتييَ <3

>_<
فدآشش كؤني جنؤنتي
وأنآ بعد مآ تدريــن ؤشش كثثرــر
مقبؤلةة من قبل لآقرآهآ..

مشكوره على القصه

&دلوعه& كتب:: مشكوره على القصه

أأي قصةة انتي الثآنيةة<<يعني فيـةة اولى ــى مثلآ
أقؤلـ إقري الموضوع زيـــن..

&دلوعه& كتب:: مشكوره على القصه

روح الروح كتب:

&دلوعه& كتب:: مشكوره على القصه

اللهم طؤلكـ يآرؤؤحـ..

شكراالموضوع مرا موثر :pale:

هلـآليه وخطؤتي ملآكيه كتب:

ھٍډۅء آڵمٍطر كتب:: حسبي الله ونعمم الوكيل
ابصراحه القصه روعه اندمجت معاها بعدين عرفت ان النغمتصبه فلسطين ...آلخ
بس جد الموضوع رووووووعه الله يعطيك الف عافيه على الطرح والنقل والافاده

إي واللهـ حسبنآ اللهـ
هه أدري حتى ــآ انا...
أنتي الأرؤعـ فديــتس..

تسلمممين كلك ذوووق

BoOoya كتب:: هيييَهْ وربَييَ قصصهةَةة موؤَثَرةةة
وععآلعممموم رورو فدييتشش مشتأإققههةة
لشش ...
وشسسموهه تقبليي طلتتييَ <3

هلـآليه وخطؤتي ملآكيه كتب:

روح الروح كتب:

&دلوعه& كتب:: مشكوره على القصه

اللهم طؤلكـ يآرؤؤحـ..

هاي احترمي نفسج

هاي قصه طبعاً ايش بالله

روح الروح كتب:

هلـآليه وخطؤتي ملآكيه كتب:

روح الروح كتب:

&دلوعه& كتب:: مشكوره على القصه

اللهم طؤلكـ يآرؤؤحـ..

هاي احترمي نفسج

هاي قصه طبعاً ايش بالله

هذي طآل عمركـ
مقآل ديني..