السلام عليكم ..

__________


بداية أحب أشكر كل روبوت انساني دخل على المنتدى وشارك و قرأ ورد .. لانه بالتأكيد مع عنده وقت
عشان يشوف ويطالع كل جديد في المنتدى من اخبار وفلسفه وغيرها ..

طبعا >>> لانه روبوت


في حياتنا يوميا نسمع فلسفه من الاهل وخاصة ( البابا و الماما ) بس ايش يقولوا !!

يقولوا : يا عيالي الله يهديكم .. نظموا اوقاتكم . ارجع من المدرسه ونام وبعدين اتغدى وذاكر وصلي وبعد العشاء نام عشان بكره الصباح وراك دوام ..

وكأنك تفحّط في دوار !! (( ويا قلب لا تحزن ))

هذولا هم الروبوتات البشريين ..!؟ يعني انا نفسي اعرف كيف يقدر هذا الانسان يصبر ويمنع نفسه من الملهيات و اكتشاف وتجربه الاشياء بس عشان ما يخالف نمط حياته الممل اللي كل يوم يتكرر

زيّه زي المكنسه ( الله يكرمكم >> حقيقة لا يمكن انكارها )

يقوم وينشحن بالكهرباء الغذائيه ويقوم بوظيفته ويجمع المطلوب فقط وزي ما تمشيه امّه .. وآخر الليل يفرّغ التعب بتنزيل الزباله والنوم >>> عشان بكره في دوام هـــــع !

انتوا ما تملوا من البربره على روسنا !! يا عيالي يا عيالي !!

في النهايه احنا بشر ولنا اخطاء ولنا اشياء نحب نسويها ونرغب اننا نعاصر كل شي جديد ..
ولا لمين اخترعوا وابتكروا !! اكيد لعيال الناس .. مو لنا

صراحه .. جبتوا لنا الملل ..

اليوم 24 ساعة .. فيها دوام مدرسي أو عملي .. فيها نوم وصلاة واجبه علينا . فيها أكل وشرب للطاقه .. طيب !! كمان تجوا تغثّوا فوق روسنا ..!؟

ويا غافل لك الله .

السهر ممنوع .. اللعب ممنوع .. التلفزيون بدون فايده ممنوع + النت بدون فايده ضياع للوقت !

يعني تبغوا كل شي منه فايده .. طيب التسليه ماهي فايده للنفس وراحه للروح ومرح للجسد ..؟

هــــع .. اظن انه سؤال قوي ويسكّت

لازم بس فايده علميه .. وربّي حراااااااااام عليكم . لازم الواحد يغير من اسلوبه وحياته

النظام المتكرر ما ينفع .. و الفايده موجوده في كل شي .. لكن بنسب ! في امور فوائدها اقل من اضرارها وفيه العكس ..

بس كل شي له فايده .. حتى السيجاره لها فائده و الخمر كمان .. مو الخمر يذهب العقل .. يعني يخليك ما تشعر بالهموم .. اظن انها فايده (خرشه)

المهم المهم ..

حياة الروبوت ممله . عيش زي ما تبغا .. ( عش كما شئت واحبب من شئت ).. ليش ؟؟ لانّك مفارقه

يعني في الاخير حياتنا مهما كانت نظاميه أو مبعثره .. في الاخير الدرب واحد ( وهو الموت ) والسؤال واحد ( وهو عن الدين )

نام زي ما تبغا والعب زي ما تبغا و استفيد زي ما تبغا .. بس اعرف ان الله يشوفكـ في حلّك وترحالكـ

والاهم .. اعرف ان النهايه الموت و ابدا لا تقصّر في الدين ..

(( اعلموا انما الحياة الدنيا لعب ولهو وزينه وتفاخر بينكم وتكاثر في الاموال و الاولاد ))

في الاخير .. الدنيا ظل زائل .. و الدنيا جيفة زي ما قال الرسول عليه الصلاة والسلام .

ليش نتعب وننتظم ونحصر نفسنا في نفق ضيّق ونعيش محرومين وهيا ستين او سبعين سنة تمر بكل يسر وسهوله ..!؟


__________