الموضوع مبين من عنوانه بس ديوان لاشعار (ريـم توآق - فـزآع - مـحـمـد بـن رآشـد - غيـآهـيـب - نـآصـر بـن حـمـد - آلسـآمـر - خـآلـد آلفـيـصـل - آلبـدر بـن عـبـد آلمحسـن)
فقققط
واللي يبغى يشارك حياه الله :GFJ?:
نبدأ بريم تواق
برب

(ريم تواق)







ازعل وانا اعرف كيف برضيك
ازعل تدلل كيف ما فيك
لو قلتلك كلمة احبك
ترجع هنا من دون ما اجيك
ادري اذا تبعدني تموت
يا احلى من السكر مع التوت
ادري غرامك في الدلع موت
اموت فيك وفي تغليك

ازعل وانا فدوة عيونك
ماهون انا واعرف جنونك
مالي في هالدنيا بدونك
مدام انا قد ميتِ فيك
اهواك واتنفس غرامك
والقلب يا سيدي مقامك
قد صابني رامي سهامك
وامري حبيبي بين اياديك

ادري اذا قلت لك اببعد
تشيل هالدنيا وتقعد
ماتدري اني معك اسعد
والناس ماتسوى حواليك
ماشفت مثلك في حياتي
يا اغلى من عيوني وذاتي
واتحدى لو تلقى شراتي
يموت فيك وفي تراضيك

(فزاع)

الليل غير
الجو غير
الشعر غير
و الناس غير
صلوا على ذكر النبي صلوا على ذكر النبي

تبونها بالشر شر .. تبونها بالخير خير والا نحكم ها البنات فما تبون ومانبي

جمهور غير .. بو شهاب غير .. فزاع غير و الاب غير صلوا على ذكر النبي صلوا على ذكر النبي

تبونها بالشر شر .. تبونها بالخير خير والا نحكم ها البنات فما تبون ومانبي

وانا اذا حكمت البنات العذر يا الجمع الغفير .

ارتاح من شكل الاسد واموت في شكل الظبي

الأمسية ماهي بكرسي , طاولة , نجم كبير ولاهي باعجاب بنت فاتنة .. ولا صبي
الامسية .. شعور أشعر به ونا طفل صغير في مشرقي أحس به .. واحس به في مغربي
ومشاعري كني محرك من دبي عند العصر لريس الدولة حفظه الله داخل / أبوظبي /
من شدة النشوة على حد السحب يمكن أطير مع صديقي و حبيبي وبن أمي وبن أبي
و في المرجلة معاي خبرة سيد المجد الخبير محمد بن راشد آل مكتوم فارسنا الأبي
والله .. لو مالي قدم .. وتشلني على المسير على دروب اهل المراجل والله اني لاحبي حبي
لكن حبيبة قلبي اللي ثائرة .. وتستثير مشاعري .. ورغبتي .. وكل جهدي .. وتعبي
ون كانها من بينكم .. قولوا ترى وضعي خطير دخيلكم دخيلكم .. يااهل الغطاوي والعبي .

قدام تسمع صوتي اللي ينبث عبر الاثير ولا تشاهد صورتي على على سما دبي
قولوا لها مشاعري في الوقت الاول والاخير الأولة جتها هدو .. والثانية جتها سبي
بنت حريرية قبل ماتلبس انواع الحرير الشطر هذا للذكي أهديه .. ماهو للغبي
ان شفتها يا محمد بن المر
ما دري ويش يصير
كتبت فيها اجمل اللي تكتبه يا صاحبي

ولو شافها ضيدان بن قضعان دندن يا ستير و غنالها من وصف نسناس الشمال اللي تبي

و لو شافها ابن الذيب سل السيف من غمد الجفير
و اعلن حروب العشق في بحر الغرام العربي
و لو شافها الشاعر سعد علوش و ارسله نذير
باحلى قصيدة صوب بن جدلان سعد الاكلبي
و لو شافها حامد ولد زيد بالشعور المستنير
لقى الخناجر الاربعة في قلبي و في منكبي


و لو شافها الشاعر سعيد دري تلقونه كسير
يقرى عليها سورة الكوثر و صلى عالنبي
و لو شافاها الشاعر خلف هدال باحساس الامير
راح السعودية كلها ساعة و راجع الى دبي


ولو شفتها يا أحمد ...... نسيت الشعر والجمع الغفير
وطلبت ختم الأمسية يابن أمي وبن أبي
حبيبتي اجمل بشر ..
أحلى فرس ..
أطهر عبير ..
وبين الظبا وان صنفوها ظبي
هي .....أحلى ظبي .

(محمد بن راشد)
أسمع صدى صوتك مع ضجة الناس
والحس يسري للضماير حسوسي
أنسى معاك العزم والفكر والياس
حبك بقلبي للضمير مغروسي
وأهيم في بحر من الأمواج غطاس
واسج وانسى عن ربوعي جلوسي
قربك شفا للروح والنود نسناس
وروياك سعدي عن ليالي نحوسي
يا مورد الخد المعسل بالألعاس
يا ضي جبينه في الظلام الدموسي
العين عين الي على الكف حباس
والصيد له بمعودات الفروسي
فرخ الأحرار امذهب الريش طلماس
أشقر عليه من الندارة هيوسي
يا ضي ضيا خده كما نور نبراس
ولا شعاع الشمس قبل الطلوسي
عتق الخشوف الي محاوز عن الناس
دق العنود اللي ترب الطعوسي
يرعى زماليج بهالورد نفاس
يقطف دنق في مرتعه ومحروسي
جنه يحش القلب مرهوف لامواس
حش الصريم اللي نواه اليبوسي
عليه من فقدي ووجدي ولاحساس
مثل الضريم اللي عليه محموسي
نار تواقد هيها نود لساس
موقد غضاها من حطبها يبوسي
ما دامني حي فلا بأقطع الياس
حبل الرجا ولا قطعت النفوسي
طيفك يراودني مع غفلة الحاس
ويسود جوي والمشاعر حبوسي
وآتيه في صحرى ولا جيد مرواس
واهيم في دنيا عراها لبوسي

طبيعي مني يغارون